Ekonomija, Negozju u Kummerċ

Meta tnejn jew aktar intrapriżi li qabel kienu ekonomikament indipendenti minn xulxin jingħaqdu flimkien jew intrapriża waħda jew aktar jakkwistaw il-kontroll kollu jew parti minn waħda jew aktar intrapriżi, l-intrapriża li qed takkwista l-kontroll fil-każ ta’ xiri jew il-partijiet li ser jingħaqdu jew joħolqu joint venture għandha/għandhom jibagħtu l-Formola ta’ Notifika Dwar Konċentrazzjoni qabel ma jimplimentaw il-konċentrazzjoni. Il-Formola għandha tintbagħat fi żmien 15-il ġurnata wara li jkun sar il-ftehim, jew tkun tħabbret l-offerta pubblika, jew l-akkwist ta’ kontroll konġunt.

Id-Direttorat għas-Sorveljanza tas-Suq huwa kkonċernat mas-sikurezza tal-prodotti użati min-nies. Fir-rigward ta' dan, din il-formola tippermetti li wieħed jippreżenta lment dwar is-sikurezza tal-prodotti. Dawn huma maqsuma fl-oqsma li ġejjin:

- tfal (eż. is-sigurtà tal-ġugarelli u oġġetti oħra użati mit-tfal);
- domestiċi u okkupazjonali (eż. sigurtà minn nirien fuq apparat elettroniku, sigurtà ta' għodda DIY u apparat ta' komunikazzjoni kif ukoll l-użu sigur ta' kimiċi domestiċi, sigurtà ta' lifts);
- rikreazzjoni (eż. is-sikurezza ta' magni uzati fuq inġenji ta' rikreazzjoni, apparat tal-midja u apparat li jintuża f'parks tad-divertiment);
- kura personali (eż. is-sigurtà tal-kosmetiċi u żebgħa tat-tattoos);
- l-industrija (eż. is-sikurezza tal-makkinarju, pestiċidi u logħob tan-nar).

Din il-formola sservi bħala notifika ta' prodotti li jkun fihom sustanzi attivi li jkunu għadhom taħt reviżjoni skont il-miżuri tranżitorji stipulati fl-Artikolu 89 tar-Regolament dwar il-Prodotti Bijoċidali (BPR, Regolament (UE) 528/2012) u l-Avviż Legali 348 tal-2013.

Din il-formola elettronika (eForm) hija magħmula għal kumpaniji privati limitati li jirreġistraw għall-ewwel darba għal:
1) Numru tal-VAT
2) In-numru tal-PE, fil-każ fejn l-applikant għandu l-ħsieb li jimpjega ħaddiema matul il-fażi tal-bidu.

Din il-formola tintuża biex kull lift li ġie installat qabel l-1 ta' Lulju 2002, jiġi rreġistrat mal-Awtorità, skont ir-regolamenti dwar l-ispezzjonijiet tal-lifts, LN 231 tal-2007.

Din il-formola tintuża biex kull lift, li ġie installat mill-1 ta’ Lulju 2002 'il quddiem, jiġi rreġistrat mal-Awtorità, skont ir-regolamenti dwar l-ispezzjonijiet tal-lifts, LN 231 tal-2007.

Din hija formola ta’ applikazzjoni maħsuba għal awtorizzazzjoni/reġistrazzjoni ta’ prodotti għall-ħarsien tal-pjanti li għandhom jitqiegħdu fis-suq Malti inkluż ir-rikonoxximent reċiproku, it-tiġdid tal-awtorizzazzjoni eżistenti u l-użu ta’ emerġenza. F’din il-formola huwa meħtieġ li tipprovdi informazzjoni dwar il-prodott u l-applikant, awtorizzazzjoni ta’ tqegħid fis-suq minn awtorità kompetenti tal-UE, identità tal-prodott, rapport/dossier ta’ reġistrazzjoni, ittra ta’ aċċess jekk applikabbli, informazzjoni dwar ingredjenti attivi u koformulanti, kompożizzjoni kimika, skedi tad-dejta tas-sikurezza, ittikkettjar u ppakkjar. L-applikant huwa meħtieġ ukoll li jehmeż kopji tad-dokumenti msemmija fil-formola tal-applikazzjoni.