Familji fil-bżonn, b'mod partikolari dawk li jinkludu tfal u anzjani, se jkunu qed jiġu assistiti permezz ta' distribuzzjoni perjodika ta' pakketti tal-ikel. Se ssir enfasi fuq it-titjib tal-kwalità tal-ħajja tan-nies li jgħixu f'dawn il-familji u biex jittaffa r-riskju ta' faqar u esklużjoni soċjali.
Apparti mill-pakketti tal-ikel, il-familji se jingħataw ukoll l-appoġġ soċjali meħtieġ minn uffiċjali li huma professjonisti fil-qasam tal-ħarsien soċjali.
Dan il-proġett hu ko-finanzjat mill-Fond Soċjali Ewropew+ tal-Unjoni Ewropea.
