Identità, Ċittadinanza u Immigrazzjoni

It-Taqsima tar-Riċerki tipprovdi riċerki dwar individwi u kumpaniji vis-à-vis trasferiment ta’ proprjetà immobbli. Hemm tliet tipi ta’ riċerka li wieħed jista’ jordna: Normali, Fast-track u Riċerka Testamentarja u dawn jipprovdu dokumenti msejħa Noti msejsa fuq il-kuntratt jew l-Att.
Fost dawn in-noti nsibu:

• Insinwi li jinkludu noti relatati ma’ kuntratti ta’ xiri/bejgħ ta’ proprjetà, donazzjonijiet, causa mortis eċċ. minn individwi jew kumpaniji;
• Ipoteki li juru jekk l-individwu jew il-kumpanija jkollux xi obbligazzjonijiet bħal self jew djun;
• Fidi relatati ma’ fidi ta’ ċnus.
   

Ir-riċerka tipprovdi riżultati dejjem jekk il-proprjetà tkun inkisbet b’att pubbliku li jkun insinwat fir-Reġistru Pubbliku. 
 

Riċerka Uffiċjali (fast-track) dwar individwi jew kumpaniji.

Kull min jixtieq jordna riċerka fast-track fuq individwu/kumpanija jista’ jagħmel dan.

Agħfas fuq il-ħolqa u segwi l-passi li jwasslu biex tkun ordnata r-riċerka.