Edukazzjoni, Xjenza u Teknoloġija

Studenti tas-sitt sena minn skejjel primarji li jattendu skejjel tal-istat, tal-Knisja u indipendenti jistgħu japplikaw għad-dħul fl-iskola Nazzjonali tal-Isport, sakemm l-applikazzjoni tagħhom tkun approvata min-nursery jew klabb affiljat ma’ Federazzjoni jew Assoċjazzjoni Nazzjonali rikonoxxuta.

Il-proċess tal-provi fiżiċi jikkonsisti f’żewġ stadji: trials fl-isport magħżul u test tal-kundizzjoni fiżika. Minbarra l-prestazzjoni sportiva, ir-riżultat akkademiku huwa essenzjali; l-applikanti jridu jiksbu minimu ta’ 50 marka fi tlieta mill-erba’ suġġetti ewlenin (Matematika, Ingliż, Malti jew Malti bħala lingwa barranija, u Xjenza) biex ikunu eliġibbli għad-dħul fl-iskola Nazzjonali tal-Isport. Nuqqas f’suġġett wieħed, ifisser li l-applikant ma jistax jipproċedi bl-applikazzjoni. 

Id-dokumenti kollha meħtieġa jistgħu jitniżżlu mis-sezzjoni indikata fuq din l-applikazzjoni u jittellgħu lura  minn hawn taħt. Ladarba jiġu sottomessi d-dokumenti mitluba, l-applikanti jirċievu awtomatikament konferma li l-applikazzjoni tagħhom ġiet sottomessa.   
 

Legalment, minuri li ma spiċċawx l-iskola obbligatorja jridu japplikaw għall-eżenzjoni mill-iskola biex jaħdmu.

L-impjieg ta' minuri huwa kwistjoni sensittiva ħafna li tirrigwarda l-edukazzjoni, is-saħħa u s-sigurtà tal-minuri. Il-Liġi tipprovdi li ċerti kriterji jiġu sodisfatti qabel ma jinħareġ permess għal minuri biex jaħdem.

Legalment, minuri li ma spiċċawx l-iskola obbligatorja jridu japplikaw għall-eżenzjoni mill-iskola biex jaħdmu. Dan japplika l-aktar għal studenti li huma fil-Raba’ Sena Sekondarja li jridu jaħdmu fis-sajf jew wara l-ħin tal-iskola, kif ukoll għall-studenti tal-Ħames Sena Sekondarja li jridu jaħdmu wara l-ħin tal-iskola.

Studenti li għandhom bżonn isiefru waqt is-sena skolastika għal aktar minn 15-il ġurnata ta’ skola għandhom bżonn permess. Permess jingħata biss jekk is-safar se jsir minħabba:

- raġunijiet mediċi, jew minħabba raġunijiet familjari serji bħal funerali jew tiġijiet ta’ qraba; jew 
- jekk il-vjaġġ ikun ta’ natura edukattiva u kulturali.

Għalliema li fi snin preċedenti nħarġilhom warrant temporanju, u li qed jipprattikaw il-professjoni waqt li m'għandhomx warrant permanenti, għandhom japplikaw biex jiġġeddilhom il-warrant temporanju.