Identità, Ċittadinanza u Immigrazzjoni

It-Taqsima tar-Riċerki tipprovdi riċerki dwar individwi u kumpaniji vis-à-vis trasferiment ta’ proprjetà immobbli. Hemm tliet tipi ta’ riċerka li wieħed jista’ jordna: Normali, Fast-track u Riċerka Testamentarja u dawn jipprovdu dokumenti msejħa Noti msejsa fuq il-kuntratt jew l-Att.
Fost dawn in-noti nsibu:

• Insinwi li jinkludu noti relatati ma’ kuntratti ta’ xiri/bejgħ ta’ proprjetà, donazzjonijiet, causa mortis eċċ. minn individwi jew kumpaniji;
• Ipoteki li juru jekk l-individwu jew il-kumpanija jkollux xi obbligazzjonijiet bħal self jew djun;
• Fidi relatati ma’ fidi ta’ ċnus.
   

Ir-riċerka tipprovdi riżultati dejjem jekk il-proprjetà tkun inkisbet b’att pubbliku li jkun insinwat fir-Reġistru Pubbliku. 
 

It-Taqsima tar-Riċerki tipprovdi riċerki dwar individwi u kumpaniji vis-à-vis trasferiment ta’ propjetà immobbli. Dawn jinqasmu fi 2: Riċerki Normali jew Fast-track u jipprovdu dokumenti imsejħa Noti msejsa fuq il-kuntratt jew l-Att.
Fost dawn in-noti insibu:

• Insinwi li jinkludu noti relatati ma’ kuntratti ta’ xiri/bejgħ ta’ propjetà, donazzjonijiet, causa mortis eċċ minn individwi jew kumpaniji;
• Ipoteki li juru jekk l-individwu jew il-kumpanija jkollux xi obbligazzjonijiet bħal self jew djun;
• Fidi relatati ma’ fidi ta’ ċnus.
   

Ir-riċerki tipprovdi riżultati dejjem jekk il-propjetà tkun inkisbet b’att pubbliku li jkun insinwat fir-Reġistru Pubbliku. 
 

Testmenti Pubbliċi - Riċerka dwar testmenti tista' ssir fuq kull persuna (ħajja jew mejta) biex issir taf jekk tali persuna rreġistratx testment pubbliku. Ir-riċerka ma tiżvelax il-kontenut tat-testment, imma tagħti biss sommarju li fih ikun hemm id-data li fiha sar it-testment, u n-nutar li ppubblika l-istess testment. Il-kontenut tat-testment jista' jiġi muri biss lill-persuna li għamlet it-testment, jew l-eredi tagħha/tiegħu. 

Testmenti Sigrieti- Wieħed jista’ wkoll jikseb informazzjoni rigward testmenti sigrieti ta' persuni mejta. Dawn it-tip ta' testmenti huma depożitati fil-Qorti Ċivili (Sezzjoni tal-Ġurisdizzjoni Volontarja). Wara li persuna tapplika, l-applikant jiġi mgħarraf bir-riżultat tat-tfittxija, u jekk ir-riċerka tkun pożittiva, avukat jew nutar jista' jagħmel talba biex it-testment sigriet jiġi ppubblikat.

Ta’ min wieħed jinnota li r-riċerki dwar testmenti pubbliċi jinħadmu mit-Taqsima tar-Riċerki filwaqt li r-riċerki dwar testmenti sigrieti jinħadmu mis-Sezzjoni tal-Ġurisdizzjoni Volontarja fi ħdan il-Qorti Ċivili.